Lalaki nga nangawat sa simbahan, dakop

Hublas nga Kamatuoran - - Unang Pahina - Ni Cyrus M. GARDE

Syudad sang BACOLOD – Napunggan ang pagpalagyo sang kawatan matapos nga naabtan ini sang kabulig sang pastor sa Missionary Baptist Church sang MBA Bible College nga nahamtang sa Sitio Pulo, Barangay Bubog, Syudad sang Talisay, Negros Occidental.

Sunu sa report nga naaktohan ni William Tamano Espada, 31, stayin nga kabulig sa amo nga simbahan, ang kawatan nga ginkilala kay Aries Alvarez Puerto, 32, may asawa kag naga-istar sa Bry. Sum-ag, Syudad sang Bacolod, nga malagyo na kontani mga alas- tres y medya sang Sabado sang kaagahon.

Dala na ni Puerto ang isa ka laptop nga nagabalor sang P45,000 nga ginapanag-iyahan ni Espada, sling bag nga itom nga may sulod nga mga screw driver, iron square bar, kag duha ka cellphones.

Sunu nama n sa Talisay City PNP nga nakasulod ang kawatan paagi sa pag- guba sang kandado sa likod sang simbahan kag nagpalagyo ini lusot sa mayor nga puerta apang nadakpan ni Espada.

Nabawi ang nasambit nga mga kagamitan kay Puerto kag nahunong na ini subong sa karsel sang Talisay City PNP.

Newspapers in Tagalog

Newspapers from Philippines

© PressReader. All rights reserved.