Lalaki gintiro sa Capiz

Hublas nga Kamatuoran - - Unang Pahina - Ni Ime SORNITO

Syudad sang ILOILO – Ospital ang gintup-an sang lalaki matapos nga gintiro sa Barangay Malapad Cogon, Sigma, Capiz sadtong Sabado sang gab-i.

Mga pilas sa lawas, tuo nga siko kag wala nga butkon ang naangkon ni Joe-Boy Marcelino y Duron, 32, rason nga gindala sa Capiz Emmanuel Hospital.

Sandig sa imbestigasyon sang Sigma PNP, manogsulod na ang biktima sa ila balay sang hinali man nga nagsulod ang duha ka suspek gikan sa plantasyon sang katubohan kag ang isa sa ila amo ang nagtiro sa biktima gamit ang wala nadeterminar nga sahi sang pusil.

Nagpalagyo man dayon ang mga suspek samtang ginbuloligan sang iya mga himata dala sa ospital ang biktima.

Newspapers in Tagalog

Newspapers from Philippines

© PressReader. All rights reserved.