‘Hashtags’ member Franco nalumos sa Davao, patay

Hublas nga Kamatuoran - - Unang Pahina -

Gindeklarar nga dead-on-arrival sa ospital si Franco Hernandez, 26, miembro sang “It’s Showtime” boy group “Hashtags” matapos nga nalumos sa Davao Occidental sang nagligad nga Sabado. Sakay sa baroto kag pabalik na kontani sa pangpang sang North Lamidan sa Don Marcelino, Davao Occidental sanday Franco, iya nobya nga si Janica Nam Floresca kag “Hashtags” member Tom Doromal. Ginhampak sang mabaskug nga balud ang ila sakayan rason nga nahulog sa dagat si Franco kag iya nobya. Istorya naman ni Janica, halos 30 minutos sila nga nagpalutaw- lutaw sa dagat bangod indi sila kahibalo maglangoy. “Sumisigaw ako sabi ko kay Franco, ‘ Love laban lang’ tapos nakita ko nakapikit lang sya hindi na sumasagot. Sobrang hirap kasi nalulunod na talaga kami,” siling pa ni Janica. Sang nakita na sila kag gindala sa pangpang, gintinguhaan pa sang bangkero nga i-revive si Franco pero wala na gid. Sunu naman kay Tom, wala sila sang suksok nga life jacket sadto nga tion. Kasunod sining balita, nagbuhos ang pakig-unong para kay Franco gikan sa showbiz. Isa sa mga una nga nagpahayag sang reaksyon sa social media ang “It’s Showtime” host nga si Vice Ganda. Nag-share naman sang “fangirl video” ni Franco si Gretchen Ho. Madumdoman nga sini lang nga Pebrero sang ginlunsar si Franco bilang miembro sang “Hashtags.” “This kind of opportunity na magpasaya ng madlang people at maging parte ng masayang pamilya, minsan lang ito mangyari,” sunu pa sadto kay Franco parte sa pag- intra niya sa grupo.

Newspapers in Tagalog

Newspapers from Philippines

© PressReader. All rights reserved.