Warriors gintambakan ang Sixers

Hublas nga Kamatuoran - - Unang Pahina -

Ginpalawig pa gid sang Golden State Warriors ang ila winning streak matapos nga gintambakan nila ang Philadelphia 76ers, 135-114, sa Oracle Arena, California kahapon sang aga (oras sa Pilipinas).

Ang nagbalik nga si Kevin Durant gikan sa leg injury nagiskor sang 29 puntos. Pero mas dalayawon ang ginhimu ni Draymond Green nga 10 puntos, 10 rebounds, pito ka assists, lima ka blocks, kag duha ka steals.

Wala man nagpa- ulihi si Stephen Curry nga may 22 puntos kag siam ka assists samtang si Klay Thompson nag- iskor sang 23 puntos sa second half.

Sa bahin sang Sixers, kulang katama ang ginkamada ni JJ Redick nga 17 puntos.

PELICANS GINPIERDE ANG CLIPPERS

Wala gid napunggan sang Los Angeles Clippers ang pag-init sang mga players sang New Orleans Pelicans kin sa diin napierde sila, 111-103, sa ila man hampang kahapon sang aga.

Nanguna sa pagdaog sang Pelicans sanday DeMarcus Cousins nga may 35 puntos kag 15 rebounds. Nagdugang man si Anthony Davis sang 25 puntos kag 10 rebounds.

Samtang si Jrue Holiday nag- amot sang walo ka mga assists sa Pelicans nga naka- komiter sang 23 ka mga turnovers.

Wala naman napuslan ang ginkamada ni Blake Griffin sang Clippers nga 27 puntos kag 12 puntos ni DeAndre Jordan.

Sa iban pa nga mga hampang sa NBA, nag- iskor si Bradley Beal sang 19 puntos para mapierde sang Washington Wizards ang Atlanta Hawks, 113- 94.

Ginpadaog man ni Aaron Gordon nga may 22 puntos ang Orlando Magic kontra sa Phoenix Suns sa iskor nga 128- 112.

Samtang padayun naman ang pagpangdaog sang Houston Rockets sa pagpanguna ni James Harden nga naka-38 puntos kontra sa Memphis Grizzlies, 111-96.

Ginlikaw ni Dario Saric sang Philadelphia 76ers (tuo) ang bola para indi maagaw ni Stephen Curry (30) sang Golden State Warriors tion sang first half sang ila hampang sa Oakland, California./PB

Newspapers in Tagalog

Newspapers from Philippines

© PressReader. All rights reserved.