Lalaki natirohan-patay sa Bacolod

Hublas nga Kamatuoran - - Balita - Ni Cyrus M. GARDE

Syudad sang BACOLOD – Ginbawian sang kabuhi ang isa ka miembro sang grupo matapos nga gintiro mga alas- dos y medya ang takna sang hapon sang Sabado sa Bangga Saling sakop sang Calong-Calong Zone 1 sa Barangay Singcang-Airport diri.

Ang biktima ginkilala nga si Jason Pacete, 21, kag taga-Purok Sicogon, Brgy. Singcang- Airport. Naka- angkon sia sang igu sa lawas kag ilok kag dali-dali pa nga gindala sa Bacolod Adventist Medical Center apang ginreport nga napatay mga pasado alas- tres sang amo man nga adlaw.

Sunu kay Senior Inspector Wilfredo Benoman, hepe sang Police Station 8, ang grupogrupo amo ang ginhalinan sang ila pagtirohay sa diin may dumtanay nga nagluntad.

Siling pa ni Benoman nga may lagsanay nga nagluntad antes ang pagtiro sa biktima. Ang iya sini iban nga kaupod nagpalagyo naman kag ang iban amo ang nagdala sa iya sa ospital.

Samtang ginasulat ini nga balita, wala pa makilala kon sin-o ang mga suspek kag padayun pa ang pagusisa sang mga pulis sa insidente.

Newspapers in Tagalog

Newspapers from Philippines

© PressReader. All rights reserved.