SUSTENTO

Hublas nga Kamatuoran - - Opinyon -

Helo mr bogs. Secret lang name ko nga si Miss R.T. May problema ako sa bana ko. Wala pa kami na kasal pero may isa na kami ka bata. Daw indi na ako sa iya kay asta subong wala gid sya nag bag-o. Siling nya sang una indi na sya mang babae, subong may na diskobrehan naman ako nga bag-o nya nga gina buangan.

Kilala ko pa ang babae kay sang una classmate ko gid na sya sang elementary. Ako ya tamadan naman sang gamo, kng indi sya sa akon, indi man bla. Kung bulagan ko ni bisan indi kami kasal may makuha ni ayhan bata namon sa iya? Laton ko gid sabat mo.

Miss R.T.,

Amo na ya, kon indi man sia bala sa imo, paburaw sia sa babaye niya eh. Baw, kon amo lang ni tani ka isog mga babaye. Ang tunto man nga lalaki, wala gid nahuya sa imo kag classmate mo pa gali sang una ang other woman niya subong. Maayo kay nadiskubrehan mo.

Ang nami lang da kay wala man kamo nakasal. Indi mo man na gani matawag nga bana kay wala man kamo nakasal. Amo lang na ang problema ta kon paano mo sia lagson kon magkasohay kamo. Wala man abi kamo papel nga mag-asawa kamo. Pero kon apelyido niya ang nadala sang bata niyo kag ang ngalan niya ara sa birth certificate sang bata, puede ka gid makakuha sina sa iya sang sustento sang bata niyo. Kadto ka abi sa abogado kag magpabulig.

Pero sa subong, ang himuon mo, istoryahon mo na lang gid ang gwapo mo nga bana. Prangkahon mo sia nga para wala na sang gamo, to na lang sia sa babaye niya kag pangayo ka jan sang sustento para sa bata. Alangan man nga thank you na lang na, ikaw na gani pinamataan niya.

Maayo na kay wala naman sia nalipay sa imo, kag miserable man na gyapon pangabuhi mo kon sigehon mo na sa iya. Istoryahan niyo sang tawhay kag importante ang bata. Kinanglan niya gid na sang suporta nga financial sa ulihi. Kag kinanglan niya gid tani tatay galing anuhon mo na kon amo na klase ang tatay ya. Sakto?

Kon mangayo sia sang patawad sa imo kag mag- promise nga indi na magliwat, depende sa imo kon patawaron mo. Kis- a maumpawan lang na ang tawo kon bulagan mo. Indi ka magpadala-dala sa luoy-luoy kay sa ulihi maanad na lang gid na.

Kung gusto mo man, istoryahon mo man si classmate mo kag hambalon mo nga, “Imo na lang na ang bana ko.” Basta indi lang sia magkalipat sa obligasyon niya sa bata niyo.

Relax ka lang dayon kag focus na lang ang atensyon sa bata mo. Durupi dira dayon ka pagwapa kay may lalaki gid nga para sa imo sa pila ka adlaw.

Bogus

Newspapers in Tagalog

Newspapers from Philippines

© PressReader. All rights reserved.