Civil security group member gintiro-patay

Hublas nga Kamatuoran - - Balita - wNi Cyrus M. GARDE

Syudad sang BACOLOD – Patay ang miembro sang civil security group sang banwa sang Moises Padilla, Negros Occidental matapos nga gintiro sa Sitio Tibobong, Barangay Quinti Remo sang amo nga banwa. Sunu kay Senior Inspector Allan Reloj, nagalantaw sang bulang sa ila man lugar si Bernard Calteo, 36, sang ginpalapitan sang wala nakilala nga mga suspek kag gintiro sang pila ka beses mga alas-2:45 sang Domingo sang hapon. Madasig man nga nagresponder sa lugar ang mga pulis pero sunu kay Reloj wala na nila maabtan ang mga suspek. Ang biktima isa sa mga miembro sang civil security group sang banwa sa idalom ni Mayor Magdaleno “Magse” Pena nga may pamahog man gikan sa ginapasuni mga katapo sang New People’s Army. Samtang ginasulat ini nga balita, padayun pa nga gina-usisa sang mga pulis kon ano gid ang motibo sa pagtiro sa biktima./

Newspapers in Tagalog

Newspapers from Philippines

© PressReader. All rights reserved.