Panubli-on 2017 Trade Fair, bukas na

Hublas nga Kamatuoran - - Balita - wNi Ime SORNITO

Syudad sang ILOILO – Pormal na nga nagbukas kahapon ang Panublion 2017 Regional Trade Fair sang Department of Trade and Industry (DTI) 6 sa SM City Iloilo nga magalawig tubtob Nobyimbre 19. Kabug- osan nga 94 ka mga micro, small kag medium enterprises ( MSMEs) gikan sa mga probinsya sang Aklan, Antique, Capiz, Iloilo, Guimaras, kag Negros Occidental ang nag-upod sa trade fair. Pahayag ni David Sinay, information officer sang DTI-6, makitan sa trade fair ang nanuhay- tuhay nga mga handicrafts, food items, decors, kag iban pa nga kagamitan nga ginhimu sa rehiyon kaangay sang handloom textile ukon hablon gikan sa Miag-ao, Iloilo kag Antique, ang piña woven textile gikan sa Aklan, kag ang Capiz shell gikan sa Capiz. Sunu pa kay Sinay nga antes ginpasugtan nga makapasakop ang mga MSMEs sa regional trade fair, ginpa- idalom anay sila sa paghanas ilabi na sa packaging kag labeling para mas mapatahum ang ila mga produkto. Samtang, subong nga adlaw may yara sang craft demonstration sang mga produkto ang kada probinsya. Ang Aklan mapakita sang macramé type of weaving, pandan twining nga ginahimu nga bag ang Antique, bamboo weaving sa Capiz, pandan weaving sa Guimaras, hablon weaving sa Iloilo, kag piaya making sa Negros Occidental. Bwas naman may yara sang brewing demonstration kag free tasting sang mga kape halin sa mga probinsya. Sa Huwebes, mahatag sang BAGWIS Aaward ang DTI- 6 para sa mga establisimiento komersyal nga nagasunod sa mga mando sang DTI kag magapahamtang sang consumer welfare desk. I- lunsar man sang DTI- 6 ang “e- commerce website” kon sa diin ang mga produkto nga ginabaligya sa trade fair ang makita man sa website. Ang adlaw sang Biyernes ginpain para sa mga Overseas Filipino Workers ukon OFW Day kon sa diin may yara sang franchising seminar. Kag sa Sabado pasidunggan ang mga MSMEs nga padayun nga nagahimu sang mga produkto gikan sa rehiyon./

Makita sa laragway ang pila lamang sa mga produkto nga himu sa Kabisay-an Nakatungdan nga makita subong sa Panubli-on 2017 Regional Trade Fair sa SM City Iloilo. (Laragway ni Ian Paul Cordero)/PB

Newspapers in Tagalog

Newspapers from Philippines

© PressReader. All rights reserved.