KAMPANYA KONTRA DROGA

Hublas nga Kamatuoran - - Balita -

Nagtugnaw na ang kampanya sang gobyerno kontra sa ilegal nga droga.

Umpisa nga ginhatag ni Presidente Rodrigo Duterte ang gahum sa Philippine Drug Enforcement Agency (PDEA), halos wala sang may nadakpan nga mga big time drug pushers.

Ang masami lang nga madakpan sang PDEA amo ang mga ultimo nga mga drug user kag pusher. Gani indi sila mabatian kag indi man ma-apresyar sang mga Pinoy ang ila mga ginahimu.

Bangod sini, amat-amat naman nga nagpangisog ang mga drug lords sa pagbaligya sang ilegal nga droga kay wala na sang nagabantay bangod nga kulang ang mga tinawo sang PDEA.

Bisan si Duterte ang nakamutik nga mahina kag matugnaw ang kampanya sang PDEA kontra sa ilegal nga droga. Kag ini ang rason kon ngaa ginatunan niya naman ang pagbalik sang kampanya sa Philippine National Police (PNP).

Pero hatagan anay niya sang dugang nga panahon ang PDEA nga mapamatud-an ang ila ikasarang sa away kontra ilegal nga droga antes pormal nga ibalik sa PNP ang kampanya.

Madamo man karon sang nagapabor sa tikang sang presidente bangod tsansa na ini sang PDEA nga mapamatud-an ang abilidad sa paglagas sa mga durogista./

Newspapers in Tagalog

Newspapers from Philippines

© PressReader. All rights reserved.