Lalaki nakuhaan pusil, mga bala sa Pototan

Hublas nga Kamatuoran - - Balita - @wNi Ime SORNITO

Syudad sang ILOILO – Nakumpiskar ang pusil kag mga bala sa lalaki nga subject sa raid sa Barangay Tumcon Ilaya, Pototan, Iloilo alas-6:45 sang gab-i sang Lunes. Sunu sa Pototan PNP sa pagpamuno ni Senior Insp. Bonifacio Alaba Jr., ginsalakay nila ang balay ni Roger Premaylon Petros, 61, paagi sa gahum sang search warrant sa pagbayolar sang RA 10591 ukon Comprehensive Firearms and Ammunition Regulation Act nga gin-isyu ni Hon. Judge Vicente V. Go, presiding judge sang Regional Trial Court 6, 6th Judicial Region, Branch 68 sa PD Monfort North, Dumangas, Iloilo. Upod man ang puersa sang Special Operation Task Group sang Iloilo Police Provincial Office, narekober nila sa balay ni Petros ang camouflage sling bag nga naga-unod sang isa ka unit sang .38 revolver, apat ka mga bala sang caliber .45 kag lima ka mga bala sang .38 revolver. Gindala man dayon si Petros sa Pototan PNP para atubangon ang iya kaso./

Newspapers in Tagalog

Newspapers from Philippines

© PressReader. All rights reserved.