Lalaki gintiro sa Murcia

Hublas nga Kamatuoran - - Balita -

Syudad sang BACOLOD – Ospital ang gintup-an sang lalaki nga natirohan sa Sitio Tan-ag, Brgy. Damsite, Murcia, Negros Occidental alas-10 sang aga kahapon. Ginabulong pa subong sa Bacolod Adventist Medical Center ang biktima nga si Efraem Talaban, 52, kasado kag residente sang Brgy. Damsite, Murcia, bangod sang mga pilas sa lawas. Sandig sa report sang Murcia PNP, nagapahuway ang biktima sa pulongkoan nga human sa kawayan sa atubang sang iya tiangge sang gulpi lang ginpalapitan sang duha ka wala nakilal-an nga mga tawo kag gintiro gamit ang wala nadeterminar nga pusil. Narekober man sang kapulisan sa ginluntaran sang krimen ang 13 ka fired cartridges sang caliber .40 nga ginapatihan gingamit sang mga tagtiro nga madasig man nga nagpalagyo matapos ang krimen./

Newspapers in Tagalog

Newspapers from Philippines

© PressReader. All rights reserved.