LEEO posible i-abolish

Hublas nga Kamatuoran - - Balita - wNi Joel FRANCO

Syudad sang ILOILO – Posible nga ma-abolish ang Local Economic Enterprise Office (LEEO) kon padayun nga indi maka- sustenir sang ila operations ang ila income. Sunu kay Committee on Appropriation chairman Konsehal Eduardo Peñaredondo, subong nga 2017 nag- shortfall sa ila budget ang LEEO gani kinahanglan pa nila nga maghulam sang pundo gikan sa general fund. “Indi ako makahatag sang exact figure. Pero subong nga tuig naghulam sila sa general fund agud mapundohan ang ila gasto. Kulang ila kita sa ila expenditures,” kumpirmasyon ni Peñaredondo. Subong nga tuig may P77,800,000.00 nga kita ang LEEO samtang ang ila kagastohanan naglambot sa P78,592,362.28 ukon may deficit nga P 792,360.00. “Kon sige-sige ni nga wala sila income, i-dissolve na lang sila. Problema sina kay malapaw na sa personnel services ( PS) cap ang syudad. Ti, masuffer ang bonuses sang mga empleyado,” paandam ni Peñaredondo. Ginpaathag naman ni LEEO head Ariel Castañeda nga ang pagnubo sang kita sang opisina bunga sang pila ka bulan nga wala sang operation ang Iloilo slaughterhouse. Ini man ang kabangdanan nga ginpanuboan nila ang ila proposed budget subong nga 2018. “Ti, nabal-an niyo man nga naapektohan kita sang operations sang slaughterhouse. Pero ang aton merkado nagaperform sang maayo. Nakakuha ini sang 20% nga increase sa ila kita,” paathag ni Castañeda. Gusto niya nga marationalize ang budget sa 2018, mapatuman sang hugot ang adjudication sang mga stalls sa merkado kag ang pagbag-o sang merkado agud makatibawas ang opisina. “Ang adjudication sang mga stalls pabakuron naton. Ang pagbag- o sang mga merkado nga suportado man sang konseho kag ni Mayor Joe (Espinosa III),” pasalig pa ni Castañeda. Nahibaluan nga ang LEEO amo ang nagadumala sang pito ka public markets sang syudad kag isa ka transport terminal sa San Pedro, Molo./

Newspapers in Tagalog

Newspapers from Philippines

© PressReader. All rights reserved.