Nurse ginkawatan P3-M balor sang mga alahas

Hublas nga Kamatuoran - - Unang Pahina - Ni Ime SORNITO

Syudad sang ILOILO – Naglab- ot sa P3 milyones nga balor sang malahalon nga mga alahas ang nataban sang kawatan gikan sa isa ka nurse sa Barangay Poblacion Ilaya, Maayon, Capiz. Base sa reklamo ni Helen Tupal y Dordas, 53, sa Maayon Police Station takna alas12: 50 sa hapon kahapon, nadiskubrehan niya nga wala na ang iya nagkalain-lain nga mga alahas nga nabutang sa sulod sang box sa drawer sa iya kwarto alas- siete sang Huwebes sang gab-i. Sunu pa sa biktima nga lakip sa nadula niya nga mga alahas amo ang: * Rolex wrist watch balor P1.3 milyon, * complete set sang gold earrings balor P900,000, * isa ka gold bracelet balor P300,000, kag * gold nga singsing nga nagabili P500,000. Samtang ginasulat ini nga balita, nagapadayun pa ang pag- imbestigar sa balay ni Tupal sang mga katapo sang Maayon Police Station kaupod ang Scene of the Crime Operatives para mabal- an kon may nakasulod nga tawo sa balay kag kon paano ini nakasulod.

Newspapers in Tagalog

Newspapers from Philippines

© PressReader. All rights reserved.