4 ka persona dakop sa drug bust sa Oton

Hublas nga Kamatuoran - - Unang Pahina - PB Ni Ime SORNITO

Syudad sang ILOILO – Arestado ang apat ka mga persona sa ginkasar nga drug bust operation sa Barangay Pakiad, Oton, Iloilo alas-9:50 sang Sabado sang gab-i.

Nakilala ang mga arestado nga amo ang mag- utod nga Mapet Pineda, 31, dalaga, kag Rogie Pineda, 29; Aisha Lim y Blur, 22; kag alyas Nonoy, 17, tanan residente sang nasambit nga barangay.

Ang mag-utod nga Pineda ang subject sa drug bust sang tropa ni Chief Inspector Gervinson G. Moyo, hepe sang Oton Police Station, kaupod ang Philippine Drug Enforcement Agency 6 kon sa diin nabaklan ang mga ini sang isa ka transparent plastic sachet sang ginaalegar shabu balor P20,000.

Dimalas lang nga naabtan sang mga otoridad didto sanday Lim kag Nonoy rason nga gindakop man sila.

Narekober sa paghinakop ni Lim ang 20 ka mga plastic sachets sang ginapasuni shabu kag P2,100 nga cash samtang nakuha naman kay Nonoy ang motorsiklo kag duha ka cellphone.

Sa subong, ang mag-utod nga Pineda kag si Lim priso na sa karsel sang Oton Police Station para atubangon ang kaso nga pagbayolar sang RA 9165 ukon Comprehensive Dangerous Drugs Act of 2002.

Gin-turnover naman sa Department of Social Welfare and Development ang minor de edad./

Newspapers in Tagalog

Newspapers from Philippines

© PressReader. All rights reserved.