DAMAK ANG NOBYA

Hublas nga Kamatuoran - - Opinyon -

Advance happy valentine’s sa imo kumpare bogus. Tawga lang ako Bernie. Sugid ko na lang sa imo problema ko parte sa nobya ko nga pwerti ka damak. Hamak timo nga kada kagto sa ila apartment ga linapta lang mga gamit nya. Makita mo pa jan gina hal-id nya lang lago nya nga panty kag mga tissue bisan diin nya lang gina pilak. Siling ko gani dugay-dugay wala na ni sya tulugan kay puno na sang basura kwarto nya. Ano ni mayo sa iya man? Daw tamaran na ako sa iya mag hatag bulak sa valentine’s day.

Bernie,

Sakto ka, indi na lang pagtaga-i sang bulak kay dugang na naman ang basura sa kwarto niya. Kabalo ka kon ano ang ihatag mo sa iya sa 14? Garbage plastic kag basurahan. Taga-i sang 10 ka basurahan kag plastar da sa sulod sang kwarto niya. Kon indi niya pa gid na mashoot sa basurahan ang mga basura niya, ambot na lang. Kon magkadto ka dayon sa iya kwarto, dala ka fishing rod kag pamunit ka sang galinapta nga panty sang uyab mo. Maayo gani tissue lang ang ginahaboy niya, kon napkin pa bi, kon ako sa imo bulagan ko na kag indi pagbalikan kon indi magtanda. Pero taga-i pa isa ka tsansa ah. Isa na lang! Kon bata pa lang nobya mo maintindihan mo pa, pero kon tigulang na kag amo gyapon, ay ambot bahala ka da. Paminsar ka na daan kon amo na pila ka adlaw ang madayonan mo. Ayawan ka imo ka sunod sang basura niya na pila ka adlaw. Taga-i sang ultimatum. Hambala nga gift niya na lang na sa imo sa 14 nga tinluan ang kwarto niya. Kag kon puede pa lang maluoy ka kag tuon na sia magtinlu kay kalaw-ay gid na lantawon ang babae nga damak. Bisan ano ka imo ka gwapa pero damak naman sa balay, madulaan gid na gana ang lalaki. Bakal na da sang garbage plastic kag pamasyaran ang nobya mo kag istoryaha. Basi pa lang makamadmad kag islan ang batasan niya kay kaluoy man na nga bayaan mo sia. Basi himuon niya na gid dumpsite ang kwarto niya kon indi mo madisiplina dayon.

Bogus

Newspapers in Tagalog

Newspapers from Philippines

© PressReader. All rights reserved.