Tigulang dakop nagahupot pusil

Hublas nga Kamatuoran - - Balita - PB

Syudad sang ILOILO – Gindakop ang isa ka tigulang bangod sang paghupot sang pusil sa Barangay Calaboa, Leganes, Iloilo alas-11:30 sang Domingo sang gab-i. Ginkilala ang arestado nga si Hilarion Sotomil, 63, kasado, kag residente sang Brgy. Calaboa, Leganes. Sunu sa rekord sang Leganes PNP, nagdangop sa ila istasyon si Rebecca Masisado kon sa diin gina-alegar sini nga nagapinalupok sang pusil si Sotomil. Naaktohan naman sang nagresponder nga mga pulis si Sotomil nga naga-uyat sang caliber .22 revolver nga natukiban nga may walo ka mga bala. Sang ginrikisa, nakuhaan pa gid ini sang caliber .40 pistol. Nahunong na subong ang arestado sa karsel sang Leganes PNP./

Newspapers in Tagalog

Newspapers from Philippines

© PressReader. All rights reserved.