BOROCAY, DAPAT NGA SIRADUHON?

Hublas nga Kamatuoran - - Opinyon - PB

Nagkalain-lain nga mga reaksyon ang nagginuwa matapos nga nagpamahog si Presidente Rodrigo Duterte nga siraduhon niya ang isla sang Boracay sa Malay, Aklan.

Bangod ini sang amatamat nga pagkaguba sang matahom nga isla bangod sang nagalinapta nga mga basura kag paghigku sang tubig sa baybayon. Luwas pa ini sa wala kag tuo nga pagpatindog sang mga establisimiento komersyal sa isla rason nga tuman na kagutok ang lugar. Kon sang una ginadayaw ang katahom kag kaputi sang balas sa isla sang Boracay, subong naman madamo na sang nawad-an sang gana nga maglagaw diri. Indi man mabasol ang presidente kon magdesisyon sia nga ipasira ang isla para mahatagan sang leksyon ang mga tag- iya sang establisimiento komersyal nga nagahaboy lang sang ila mga basura bisan diin. Daku naman ini nga panghangkat sa tanan subong kon paano maamligan ang isla sang Boracay kag mabalik ang katahom sini nga amo ang rason sang pagdagsa sang mga turista gikan sa bug-os nga kalibutan./

Newspapers in Tagalog

Newspapers from Philippines

© PressReader. All rights reserved.