MAASIN DAM, MAKA-ALARMA ANG SITWASYON

Hublas nga Kamatuoran - - Unang Pahina - @wNi Ime SORNITO

Syudad sang ILOILO – Nagapanawagan subong ang Metro Iloilo Bulk Water Supply kaupod ang Metro Iloilo Water District (MIWD) sa mga ahensya sang gobyerno nga buligan sila nga ma-amligan ang Maasin Dam bangod nga maka-alarma na ang sitwasyon sini. Kasunod ini sang heavy siltation nga naeksperyensyahan sang nasambit nga dam dala sang nagluluntad nga mga kalamidad subongman mga aktibidad sang mga tawo nga naga- istar sa Maasin. Sunu kay Engr. Rolixto V. Jodieres, Jr., general manager sang Metro Iloilo Bulk Water

Supply nga nagakuha sang 35,000 cubic meters nga suplay sang tubig sa Maasin Dam kada adlaw, maka- alarma na ang sitwasyon sang dam bangod nagadamo na ang balas sa suba nga nagaapekto naman sa suplay sang tubig. Ginabanta ni Jodieres nga 1,000 cubic meters kada adlaw ang nagakadula bangod sang siltation nga kontani maka- suplay pa sa ginabanta 1,000 ka mga panimalay. “Ma-scale na lang ako 1 to 10. Sa akon siguro mga 7 right now nga alarming. It’s high time na nga pangalagaan ang Maasin Dam kay ang syudad kag probinsya sang Iloilo nagadaku na. Ang demand sang water supply nagataas man,” siling ni Jodieres sa interbyu sang mga katapo sang media bahin sa kon ano ka makaalarma ang sitwasyon sang dam. Ang pila naman ka mga aktibidad nga gintumod ni Jodieres kon ngaa nakaeksperyensya sang heavy siltation ang Maasin Dam amo ang illegal logging kag pag- convert sang forest land pakadto sa farming.

“There is nature naman na hindi natin talaga mapipigil ang human activity like farming ganon kasi. Isa siguro is ‘ yong conversion from forest to farming gid,” dugang sini. Bangod sini, gusto ni Jodieres nga maghimu sang comprehensive watershed management kaupod ang mga stakeholders sa labing madali nga panahon para masolbar ang problema. “Ang panawagan namon indi lang ini sia katungdanan sang multisectoral sector kundi sang tanan nga stakeholders nga dapat buligan. Ang amon tuyo makapamukaw man bala sa mga organization nga magbulig nga mapangalagaan ang Maasin Dam,” dugang pa ni Jodieres. Nahibaluan nga nakapatuman na sang dredging program ang Metro Iloilo Bulk Water Supply kaupod ang MIWD sa Maasin Dam sadtong Mayo 2017 para makuha ang mga balas nga nagakaon sa suba. Pero short term lang yadto nga solusyon rason nga gusto nila nga makahimu dayon sang long term solution ilabi pa nga 55 por ciento sang potable water nga ginasuplay sa syudad kag sa iban nga mga banwa sa probinsya sang Iloilo ang ginakuha sa Maasin watershed. Suportado man ni MIWD General Manager Imelda Magsuci ang panawagan sang Metro Iloilo Bulk Water Supply bangod nga gusto man nila masolusyonan ang tatlo ka mga isyu kaangay sang siltation, water quality kag sustainability sa Maasin Dam. “Kailangan ng multisectoral to address the problem. Kasi nga ang kailangan ma- address sa Maasin is tatlo ka issues. One siltation, then the water quality and sustainability,” hambal ni Magsuci.

Gusto man niya nga may magpamuno nga ahensya sang gobyerno nga amo ang magaplano para maamligan ang dam.

“Dapat may magtake ng lead talaga. Kailangan may isang agency na magspearhead with the other sector magbuligay para ma- maintain ang aton watershed,” dugang ni Magsuci.

Kaangay ni Jodiores, nagapati man si Magsuci nga dapat masolbar dayon ang ilegal nga aktibidad sa ibabaw sang bukid sang Maasin kaangay sang illegal logging kag pagpanguma bangod nga naka- apekto ini sa kalidad sang tubig sa dam.

Bangod sini, plano ni Magsuci nga magsapol kaupod ang mga ahensya sang gobyerno kaangay sang Department of Environment and Natural Resources, Department of Agr icu lture, National Irrigation Administration, local government unit, kag i ban pa nga stakeholders para ma- istoryahan ang solusyon kon paano ma-amligan ang watershed.

“Siguro kailangan magkaroon ng MOA with DENR or kon somebody that will take the lead kon ano ang obrahon. Kami ma-support man. We will talk with DENR. Actually may initial na kami nga discussion,” dugang ni Magsuci.

Pero wala pa man sang gintalana nga timeline ang Metro Iloilo Bulk Water Supply kag MIWD para makahimu sang konkreto nga plano ukon programa para sa pag- amlig sa Maasin Dam./

GINAPRESENTAR ni Metro Iloilo Bulk Water Supply supervisor Jessie Sio sa Panay Balita ang ila filtration facility nga nahamtang sa Barangay Talanghauan, Sta Barbara, Iloilo. (Laragway ni Ian Paul Cordero)/PB

Newspapers in Tagalog

Newspapers from Philippines

© PressReader. All rights reserved.