Trillanes, gindeklarar ‘persona non grata’ sa Davao

Hublas nga Kamatuoran - - Unang Pahina - PB

Gindeklarar kahapon sang Syudad sang Davao, lugar ni Presidente Rodrigo Duterte, bilang “persona non- grata” si Senador Antonio Trillanes IV kag ang isa ka FilipinoAmerican businesswoman. Eksplikar ni Vice Mayor Bernard Al- ag, ang deklarasyon kontra kay Trillanes kag sa philanthropist nga si Loida Nicolas-Lewis ang ginhimu sang Davao City Council kadungan sang ila regular session. Ginbasehan sang mga konsehal ang alegasyon ni Trillanes sadtong 2017 nga ang ila syudad delikado nga lugar sa Pilipinas. Gin- akusaran man sadto ni Trillanes si Duterte sa pagtago sang indi maeksplikar nga manggad kag gin-angut pa ang bata sang presidente nga si anay Vice Mayor Paolo Duterte sa smuggling syndicate. Pero hugot nga ginpanginwala sang mga Duterte ang nasambit nga alegasyon. Sa bahin ni NicolasLewis, gin- akusaran sia sang presidente nga nagapadihot para mapahalin sia sa puesto kag ginapahayag nagahimbon sa International Criminal Court ( ICC) para imbestigaran ang presidente angut sa gina-alegar “crimes against humanity.” Sa bahin ni Trillanes, paathag niya nga ang iya komento angut sa Davao ang ginbase niya sa rekord sang Philippine National Police sang 2015 nga nagagwa nga may pinakamadamo nga kaso sang murder kag ikaduha sa pinakamadamo nga kaso sang rape ang Davao. “The truth, definitely, hurts... The people of Davao either know it but tolerate it out of fear or they’ve actually believed the lie that was fed to them that Davao City is the safest city in the world,” hambal pa sang senador./

TRILLANES

Newspapers in Tagalog

Newspapers from Philippines

© PressReader. All rights reserved.