Bulls ginpierde ang Magic

Hublas nga Kamatuoran - - Unang Pahina -

Ginpadaog ni Zach LaVine paagi sa tiebreaking dunk sa nabilin nga segundos sa fourth quarter ang Chicago Bulls kontra sa Orlando Magic, 105- 101, sa United Center kahapon sang aga ( oras sa Pilipinas). Nagkamada si Lauri Markkanen sang 21 puntos para makabawi ang Bulls matapos nga gin-usikan na nila ang 18 puntos nga abanse sa ulihi nga quarter. Pero ang dunk ni LaVine gikan sa steal kay Jonathon Simmons sa nabilin nga 15 segundos ang nagpadaog sa Bulls. Nagtapos ang hampang nga may 18 tanan ka puntos kag pito ka rebounds si LaVine. NNagdugang man si Bobby Portis sang 19 puntos kag pito ka boards. Sa bahin sang Orlando, nagkamada si Evan Fournier sang 22 puntos pero wala nila masustiner ang pagpamuntos rason nga napierde sila.

CLIPPERS GINTAMBAKAN ANG NETS

Nagkamada sang 20 puntos si Lou Williams kag nag-amot si DeAndre Jordan sang 16 puntos kag 17 rebounds para mabuligan ang Los Angeles Clippers nga matambakan ang Brooklyn Nets, 114-101, sa ila hampang kahapon man sang aga. Nag-iskor man ang pito ka mga players sang Clippers sang double figures kag nagtira sang 56.5 percent gikan sa field para makuha nila ang ikalima nga asud-asod nga daog. Samtang wala naman napuslan ang ginkamada nanday D’Angelo Russell kag Joe Harris nga tag-16 puntos para sa Nets nga nakaagom na sang anum nga asud-asod nga pierde./

Newspapers in Tagalog

Newspapers from Philippines

© PressReader. All rights reserved.