Cong. Defensor. gindesignar liason officer sa syudad

Hublas nga Kamatuoran - - Unang Pahina - Ni Ime SORNITO PB

Syudad sang ILOILO – Nagpungko na bilang legislative liason officer sang Syudad sang Iloilo si Congressman Arthur Defensor, Jr. sang tercier distrito sang probinsya sang Iloilo umpisa sang Lunes. Kasunod man ini sang pagdesignar sa iya ni House Speaker Pantaleon Alvarez matapos nga gin- implementar na ang resolusyon sang Seventh Division sang Sandiganbayan sadtong Enero 3 nga nagasuspendir sang tatlo ka bulan kay Cong. Jerry Treñas sang syudad. Ang amay ni Defensor nga si Gob. Arthur Defensor Sr. naman kahapon ang nagbaton sang kopya sang ginpapanaog nga memorandum order no. 17- 132 ni Alvarez nga nagadesignar sa kongresista bilang legislative liason officer. “In the interest of the people of the Lone District of Iloilo City, and in view of the implementation of Resolution dated 3 January 2018, of the Seventh Division, Sandiganbayan, in SB-17-CRM-2094, HON. ARTHUR DEFENSOR JR., 3rd district of Iloilo, is hereby designated as the LEGISLATIVE LIAON OFFICER for the LONE DISTRITC OF ILOILO CITY, effective immediately,” nakasulat sa mando ni Alvarez. Matandaan nga ginsuspendir sang Sandiganbayan si Treñas bangod sang kaso nga graft nga ginpasaka kontra sa iya sadtong Oktubre 2017 kasunod man sang ginaalegar pagpasugot sini nga i-release ang pundo balor P500,000 para sa konstraksyon kontani sang Iloilo Press Club sadtong 2003 sadtong nagapungko pa lang sia nga alkalde. Ang pundo para sa konstraksyon sang building ang naghalin sa Priority Development Assistance Fund ni Senadora Loren Legarda. Sa pakig-angut naman sang mga katapo sang media kay Treñas, ginkumpirmar niya nga boluntaryo nga ginserbisyohan niya ang suspensyon umpisa sadtong Lunes rason nga awtomatik man nga mapungko bilang legislative liason officer sang syudad si Defensor./

DEFENSOR

Newspapers in Tagalog

Newspapers from Philippines

© PressReader. All rights reserved.