SOLTERO GINTUNTO SANG NOBYA, NAGHIKOG

Hublas nga Kamatuoran - - Unang Pahina - Ni Ime SORNITO

Syudad sang ILOILO – Wala na sang kabuhi sang nasapwan ang 30-anyos nga soltero nga nagbitay sang iya kaugalingon sa isa ka barangay sa banwa sang Leganes, Iloilo.

Ginhingagaw pa dala sa West Visayas State University Medical Center ang biktima nga ginhinago lang sa ngalan nga Toto pero gindeklarar ini sang doktor nga dead-onarrival. Base sa imbestigasyon sang Leganes Police Station, nasapwan na lang sang iya pamilya si Toto nga nagabitay sa balayan sa sulod sang iya kwarto gamit ang nylon nga lubid alas-10:15 sa aga sadtong Martes. Una nga nangayo ang pamilya sang bulig sa Municipal Disaster Risk Reduction and Management Office nga amo naman ang nagdala sa biktima sa ospital. Natukiban man sang Leganes Police Station nga alas-sais sa aga antes naghikog si Toto, nakapadala pa ini sang text message sa iya amay nga nagapanugid nga indi na sia maka-agwanta matapos nga ginatunto lang sia sang babaye nga ang ginatumod amo ang iya nobya. Bangod sini, nagapati ang

kapulisan nga problema sa paghigugma ang motibo sang biktima sa paghikog. “Regarding sa motive, sunu sa ginikanan kag utod sang biktima, naghikog ining biktima because nga gina- intu sia kuno sang iya girlfriend,” siling naman ni Senior Inspector Dadje Delima, hepe sang Leganes Police Station. Nahibaluan pa sang Panay Balita nga nagtuyo man sadto hikog ang biktima paagi sa pag-inom sang hilu pero natabangan kag naluwas. Ang ginatudlo man sadto nga motibo amo ang pagtunto sang una sini nga nobya sa iya./

Newspapers in Tagalog

Newspapers from Philippines

© PressReader. All rights reserved.