Duterte matawhay nga nakigsapol sa mga gobernador, alkalde sang VisMin

Hublas nga Kamatuoran - - Balita - Ni Ime SORNITO PB

Syudad sang ILOILO – Nangin matawhay ang pagsapol ni Presidente Rodrigo Duterte sa mga alkalde, gobernador kag iban pa nga lokal nga mga opisyales sang Visayas kag Mindanao sadtong Pebrero 12 sa isa ka hotel sa Syudad sang Cebu. Sunu kay Gob. Arthur Defensor, Sr., isa sa mga nagtambong sa pagsinapol, wala sang heartbreaking news ukon pahayag nga ginbuy- an si Duterte sa tunga sa oras nga pag- atubang sini sa ila. “There was no heartbreaking news or statement,” siling ni Defensor. Ang gin- highlight lang ni Duterte amo ang pagpangayo sang suporta sa iya kampanya kontra sa ilegal nga droga kag pagtindog sa mga pulis nga yara sa insakto. Pero handa man ang presidente nga magbuya ukon magsipa sa serbisyo mga pulis nga nadalahig sa ilegal nga droga kag naga-abuso. “Ang siling ya man lang updan sia sa kampanya against drugs. Tindugan ya gid ang pulis in campaign against illegal drugs but indi sia maghawid sa mga pulis nga naga-abuso ukon nakasala kag involved sa illegal nga drugs,” dugang sang gobernador. Gin-athag man ni Duterte nga oras nga makalusot ang pag- amendar sang konstitusyon, gilayon sia nga magapanaog sa puesto sa 2020. “Gin-reiterate ya ang iya commitment nga kon mapasar ang amendment sang constitution, by 2020 ma- resign sia. Basta everything in order,” dugang pa ni Defensor./

Newspapers in Tagalog

Newspapers from Philippines

© PressReader. All rights reserved.