Lalaki dakop sa drug bust

Hublas nga Kamatuoran - - Balita - PB

Syudad sang ILOILO – Arestado ang isa ka lalaki nga ginapatihan nagaduso sang ilegal nga droga sa ginkasar nga buy-bust operation sa Barangay Masagud, San Joaquin, Iloilo alas-5:45 sang Martes sang gab-i. Ginkilala ang suspek nga si Dexter Azuro, 36, kasado kag residente sang Brgy. Bonifacio Tanza, Syudad sang Iloilo. Sunu sa report sang San Joaquin PNP, madinalagon nga nakabakal ang police poseur buyer sang isa ka plastic sachet sang ginasuspetsahan shabu balor P1,000 sa suspek. Luwas diri, nakuhaan man ini sang dugang nga apat ka mga heat-sealed plastic sachets sang ginapasuni shabu kag P1,000 nga marked money. Sa karon si Azuro priso na sa karsel sang San Joaquin PNP kag magapangatubang sang kaso nga pagbayolar sang RA 9165 ukon Comprehensive Dangerous Drugs Act of 2002./

Newspapers in Tagalog

Newspapers from Philippines

© PressReader. All rights reserved.