PROVINCIAL VETERINARIAN’S OFFICE, PATULOY ANG KAMPANYA KONTRA RABIES

Nagpapatuloy ang kampanya ng Provincial Veterinarian’s Office (ProVet) laban sa rabies sa pamamagitan ng pagbabakuna sa mga alagang hayop.

Nitong mga nakaraang buwan ay nakapagbakuna ang ProVet sa mahigit tatlong libong alagang hayop sa mga munisipyo ng Roxas, Brooke’s Point at Narra sa pakikipagtulungan ng mga lokal na pamahalaan.

Ayon kay Dr. Benny Del Rosario ng ProVet, inuuna nila ang mga lugar na mas nangangailangan ng kanilang serbisyo.

Nagpaalala rin ang ProVet sa lahat ng mga may alagang hayop, gaya ng aso na alagaan itong mabuti, itali at huwag hayaang gumala sa kalye, pakainin ng tama at higit sa lahat pabakunahan ang mga ito laban sa rabies taontaon.

Layon nang Pamahalaang Panlalawigan ng Palawan na magkaroon ng zero cases ng rabies sa taong 2020 sa buong lalawigan.