Panay News

‘One ASEAN, a Global Player’ campaign heralds alliance ready for the future

Mahalaga pa ba ang wikang Filipino sa mga millennial­s?

-  By Jennifer L. Ame, T-III, Luis Escutin National High School, Dao, Capiz

ANG tanong na ito ay halos kasing bigat na rin ng tanong na, “hanggang kalian na lang kaya ang wikang Filipino?” Hindi ko pa masabi pagkat hindi ko pa nasaliksik na may isang bansang nawalan ng wika, dahil parang nakapaimpo­sible. Ang wika ang siyang nagbubuklo­d sa isang bansa. Ang wika ay parte na ng pagkatao. Ang Filipino ay parte na ng pagkatao ng Pilipino. Pero hindi maikakaila na nawawala.

Nobenta porsyento ng lumalabas sa telebisyon o naririnig na komersyal sa radio, maging ang nakikita sa dyaryo, ay nasa wikang banyaga. Mas madali para sa mga millenials, o mga batang may edad hanggang treinta y singko. Kaya ganun na lamang ang susog ng pamahalaan at mga tagapagtag­uyod ng nationalis­mo na pag-itingin ang pagtuturo ng wikang Filipino sa mga eskwelahan kasi nga nawawala na, o medaling maimpluwen­syahan at mahumaling sa ibang mga bagay ang mga millenials, lalo na sa mga nakikita, naririnig at nababasa nila sa social media. Kung ang wikang Filipino ay maiiwang nasa sulok ng silid-aralan, o nakasulat lang sa mga libro, sadyang taon na lang ang bibilangin sa wikang Filipino.

Mahalaga ang wika dahil nga sa diin nito sa ating pagkatao. Parang parte ng katawan na kung masugatan apektado lahat ng kalamnan hanggang sa kalingking­an. Mahalaga na panatilihi­n ang wikang Filipino lalo na ng kasalukuya­ng henerasyon o an gating mga millenials dahil wala ng ibang magtataguy­od ng atin bansa sa hinaharap kungdi sila lamang. Oo at wala namang masama kung may mga makabagong lenggwahe na magagamit ang ating mga millenials tulad ng salitang beki, o lalo na ng Taglish na talaga namang naging karaniwan na lamang sa marami sa atin sa loob ng mahabahaba na ring taon, pero ang hindi dapat mangyari ang malimutan natin ang ating sariling wika.

Walang bansa ang walang wika. Ayon sa pambansang bayani natin na si Dr. Jose Rizal, “Ang di marunong lumingon sa pinanggali­ngan ay hindi makakarati­ng sa paroroonan.” Ang hindi lumingon sa kung saan nagsimula at nanggaling, bahay man ito o paaralan; o ang hindi marunong lumingon sa pinagmulan at gumabay, magulang man ito o guro; at ang hindi marunong magpahalag­a sa mga bagay na naging tulay sa ating kasarinlan at kaalaman sa kasalukuya­n, isa na doon ang wika na naging gamit sa komunikasy­on at pagkakaint­indihan ay kailanman hindi magtatagum­pay sa buhay. Kung ano ang iyong ibinigay ay siya ding babalik sa’yo.

Magkaiba man ng henerasyon, Pilipino pa rin tayo. Pilipino pa rin ang mga millenials. Ang tunay na Pilipino ay Pilipino sa isip, sa salita at sa gawa. Ang wika ay parang bandila, sumasalami­n sa kasarinlan at nirerespet­o ng Pilipino saan pa man. Mahalaga ang wika kahit ano pa man ang mangyari. Hindi dapat maging isyu ito. Kailangan lang panindigan ng ating mga millenials. Ang patuloy na pagpaalala sa kanila sa paaralan ng kahalagan nito ang magsisilbi­ng ilaw nila sa kanilang pagtahak sa landas tungo sa kapayapaan, pag-iwas sa karahasan, at pagpayabon­g ng kabuhayan ng bawat isa, at ng kanilang mga salin lahi. ( Paid article)

Newspapers in English

Newspapers from Philippines