Wala paryentehanay sa pulitika

gid kita sang nagalagaw nga huring-huring nga gina-initan si asawahon sa iya trabaho sa Iloilo City Hall.

Indi lang ni Human Resources Officer Leo Elevencione kundi pati na ni City Administrator Hernando Galvez kag bisan ni Mayor Jose Espinosa III.

Ang i ning huring- huring nagasiling nga gin- bypass sining matag-as nga opisyales si Mrs. Sa isa ka opening sa isa ka mas mataas nga pwesto tungod identified siya kay Cong. Jerry Treñas. Ina tungod ang mag-bilas nga si Congressman Jerry kag Mayor Joe III sa karon ginasiling nga maga-kontrahanay gid sa pagka- meyor sa palaabuton nga eleksyon 2019.

Admitidon namon nga malapit kami kay Congressman. In fact, sang una siya ginpa-regular ni anay mayor Mansueto Malabor, nga maninoy man sa bunyag sang bata ko nga kinagot, si Congressman ang nagsalo kay Mrs. agud i-promote siya duha ka beses sa iya karon pwesto nga indi man mataas gid kay sub-prof man lang siya, apang puede pa naman siya makasaka sing pila pa ka tikang paibabaw.

Madamo pa gid nga kabalaslan ang nabulig sa amon ni Congressman upod sa iban nga pumuluyo parti sa ikaayong lawas kag bisan pa sa pagtuon sang mga kabataan.

Pero, kon isipon mo gid, wala man sing kabalak-an si Mayor Joe III sa amon kay civil service eligible man si Mrs. nga ginadumilian sa pag-kampanya sa eleksyon.

Wala man kami personal kay Mayor Joe III kag sa iya pamilya. Si anay Guimaras vice governor Edgar Espinosa maninoy sang bata ko nga kinagot sa bunyag.

Si anay nayor Leo Espinosa kag iya asawa mga abyan ko nga suod. In fact, gin-upod niya ako sadto sa iya tiket para konsehal sa Jordan, apang namalibad ako kay gusto ko pa nga mangin mamahayag ukon journalist sang sa mag-pulitiko.

Si Tiyay Teresa, nga pakaisa sang amay ko sa Nueva Valencia nakapamana sang isa ka Espinosa. Isa ko pa gid ka tiya (pakaduha ni Papa) nakapamana man sing Espinosa.

Duha ko ka frat brods mga Espinosa – si Atty. Junie Espinosa, nga kumpare ko pa gani sa hinablos ni anay kapitan Antonia Yulo, kag si Hamy Espinosa nga ka-schoolmate ko sa University of Iloilo. Kag madamo pa nga Espinosa ang masiling ko nga ka-relasyon namon sing suod.

Si City Administrator Galvez nga taga-Nueva Valencia gapameryente man gani sa amon. Si Lola ko Felina Gaitan taga-Nueva Valencia kag paryente niya ang mga Galvez.

Si Human Resource Officer Elevencione naman kumpare ko kay ihada niya sa bunyag ang kinagot namon.

Ti, paano abe ako makasiling nga may personal ako sa ila? Kag paano man ako makasiling nga may personal sila sa akon?

Ang rason gid lang nga yara sa isip ko amo ang pulitika, nga wala man basehan kay ang isa ka civil service eligible, katulad sang asawa ko, indi maka-pangampanya sa kay sin-o nga pulitiko.

Kon ginahingabut gid man ninyo si asawahon, how cruel naman kayo! Labi na gid kay si Mrs. na-diagnose sang sini lang nga may kanser kag padayon under treatment, nga dapat pa tani tagaan sing simpatiya sa iya kahimtangan. Nonetheless, ginapasalig ko ang aton administrasyon sa siyudad sa karon

*** nga magapabilin ako nga objective sa akon pag-kritikar sang administrasyon katulad sa ginapahayag ko sa akon kolum: “Hilway nga Panugdaon ni Matt”. Trabaho lang, kag walang personalan! com/ PN)

(w_mateojr@yahoo.