NASA DIYOS ANG KAPANGYARIHAN PARA MATUPAD ANG MGA PLANO NG TAO SA KANYANG BUHAY
Maria Ana L. Malones
Marami ang mula pa sa pagkabata ay mayroon nang magagandang plano ang tao sa kanilang buhay.Kapag nagkakaroon na sila ng pamilya ay nangangarap pa rin sila ng mabuting kapalaran para sa kanilang kabiyak at mga anak .At kahit sa pagtanda ay patuloy pa rin silang umaasa sa maligaya at payapang buhay.
Hindi dahil sa mabuti o maganda ang plano ng tao ay magkakaroon na ito ng katuparan..May nabibigo sa kanilang plano,at sa halip na mapabuti,ang iba ay napapasama pa.
Kaya nasa Diyos ang kapangyarihan para matupad ang pinaplano ng tao para sa kaniyang buhay.Kahit ano pa ang ating taglay na katangian,kahit gaano man kaganda ang ating mga plano sa buhay,hindi rin natin ito maisasakatuparan kung walang kapahintulutan ang ating Panginoon..
Walang kakayahan ang tao sa ganang kaniyang sarili na gawin ang lahat ng bagay..Ang akala nila lahat ng kilos nila ay wasto,subalit mali ang inaakalang iyon ng tao sapagkat anumang katangiang taglay nila ay nagkakamali pa rin at may pagkakataong iyon ang nagdudulot sa kanilang malaking kapahamakan
Habang dumarami at tumitindi ang iba’t-ibang suliraning nangyayari ngayon sa daigdig ,lalo naman nating pag-ibayuhin ang matibay na pag-asa at pagtitiwala sa Diyos..Siya lamang ang may kapangyarihan para matupad ang mabubuti at magagandang plano sa ating buhay.
Sa panahon ng mga panganib at kahirapan,kahit magpatuloy pa ang mga epidemya ng mga sakit,sa Panginoon tayo lumapit
Bibigyan niya tayo ng mabuting kapalaran at hindi niya tayo pababayaan.
--o0o-
The author is Teacher I at San Rafael Elementary School, San Rafael ,Cabangan,Zambales, Municipality of Cabangan, Division of Zambales