SuperBalita Cebu

Nanurender mag-zumba, Bible study

- John Paul Pepito |

MGA tiggamitan og gidiling drugas ug pusher kinsa nitahan na sa 27 ka barangay sa dakbayan sa Mandaue ipaubos ug bible study ug zumba matag semana.

Kini maoy gipaambit ni PSI Romulo Genandoy, officerinc­harge sa Police Community Relations sa Mandaue City Police Office (MCPO) sa dihang nahinabi sa Superbalit­a Cebu kagahapon. Matod ni Genandoy nga usa ka pari ang nipakita ug interes ug nakipagtim­bayayong sa ilang buhatan aron katabangan ang mga nitahan nga mga tawo kinsa nalambigit sa drugas.

Tuod man, gihangop dayon nila ang maong oportunida­d nga makatabang sa mga nitahan.

BIBLE STUDY

Niadtong Huwebes, kapin sa 70 ka mga ningtahan ang ningsalmot sa bible study kinsa gipanguloh­an ni Bro. Joseph Borba sa The Sower Ministry usa pa kini nagzumba mga alas 4 sa hapon.

Sumala pa ni Genandoy nga si Borba usab ang nipakaon sa mga nitahan human sa mga usa ka oras nga bible study usa pa kini nagzumba atubangan sa MCPO headquarte­rs.

Paambit ni Genandoy nga moabot na ngadto sa 1,467 ka mga personalid­ad ang nitahan sa ilang buhatan sukad Hulyo 1 sa pagpatuman sa Oplan Tokhang hangtod kagahapong adlawa.

Kahinumdum­an nga unang kalihukan sa kapulisan sa dakbayan mao ang paghimoog clean-up drive sa mga nitahan uban sa kapulisan sayo ning buwana. Sila naglimpyo sa mga baradong kanal sa dakbayan nga napuno sa Basura.

Si Genandoy nagkanayon nga ilang gituyo ang zumba nga himuon na unya matag Huwebes aron mobalik sa pagpahimso­g sa paglawas ang mga nitahan.

MITABANG

Sumala pa ni Genandoy nga si Borba mismo ang nikontak kanila ug nipadayag nga moabag siya sa kapulisan aron di mapasagdan ang mga nisurender.

Gani, si Borba pa ang nigasto alang sa feeding program sa mga nisalmot sa zumba ug bible study.

Gipaambit ni Genandoy nga di na problema sa mga nisurender ang sakyanan kon mosalmot sila sa bible study ug zumba matag Huwebes tungod kay hatodkuha man kini sa mga sakyanan sa nagkadaiya­ng estasyonan sa MCPO sa dakbayan.

MIBALIK?

Gitataw ni Genandoy nga nakadawat silag taho nga pipila sa mga nisurender ang nibalik pagusab sa ilang mga iligal nga kalihukan apan saysay niya nga ila pa kining iverify.

“Monitoron gyud na namu sila and hopefully maparehab sab unta,” ni Genandoy ning mantalaan.

Paambit niya nga plano karon sa MCPO nga mangayo silag tabang sa TESDA aron ipaubos ug skills training ang mga nisurender aron aduna silay kapanginab­uhian.

Hangyo usab ni Genandoy sa mga nisurender nga di na mobalik pa sa ilang dautang bisyo nga di lang makadaot kanila apan makaapekto usab sa ilang pamilya ug kalinaw sa komunidad.

Newspapers in Cebuano

Newspapers from Philippines