Steve Harvey, host gihapon sa Miss Universe sa Pilipinas
ANG kontrobersyal nga si Steve Harvey ang mo- host og balik sa Miss Universe pageant sa Pilipinas karong Enero 30, 2017 bisan pa man sa dako niyang sipyat sa miaging tuig human nga nasayup siya sa pag-anunsyo sa winner.
Mao ni ang gibutyag sa bag-ong Tourism Undersecretary Kat de Castro.
Niadtong December, si Harvey nideklarar ni Miss Colombia Ariadna Gutierrez isip bag-ong Miss Universe, bisan kon ang tinuod nga mananaug mao si Wurtzbach. Nangayo na hinuon siya og pasaylo ni Wurtzbach ug Gutierrez.
"He wants to apologize to the Filipinos who were hurt because of what happened," matod ni de Castro sa DZMM. Dugang ni de Castro nga bisan si Presidente Rodrigo Duterte nakurat nga mobalik si Harvey isip host.
"Nagulat din siya. Sabi niya, 'Bakit? He is a disaster.’ Ginanun ako ni Presidente. Eh sabi ko, 'Sir, mukhang iyon na po talaga ang naging desisyon ng mga taga-Miss Universe.' Tumawa na lang siya," paambit ni de Castro.
Sigon sa report sa American news outlets, si Harvey adunay multi-year contract sa Miss Universe, nga iyang gipirmahan pila ka adlaw sa wala pa ang pageant niadtong 2015. Ang kontrata giingong modagan gikan sa tulo hangtod pito katuig. (ABS-CBN News)