KathNiel andam magpa-drug test

HUMAN nagpagawas og statement ang Star Magic nga nipahigayon sila og drug test sa 40 nila ka mga talent, silang Kathryn Bernardo ug Daniel Padilla nipadayag sa ilang kaandam usab nga magpa- drug test.

“Kami suportado namin 'yon, para maclear, para alam na talaga ng mga tao. I think okay na din siyang way para masagot 'yung mga tanong nila,” matod sa aktres human sa presscon sa ilang pelikulang “Barcelona: A Love Untold,” nga showing na karong September 14.

“Kung ano ang makakabuti sa bansa natin, 'yun na lang,” dugang ni Padilla.

Ang KathNiel wala maapil sa drug test niadtong Sabado kay busy sila sa shooting sa ilang pelikula.

Apan si Daniel nidugang nga uyon siya sa gisulti sa iyang uyoan nga si Robin Padilla nga maghinayhinay sa paghingan sa

mga gidudahang drug users sa showbiz. “Sabi nga niya huwag daw nga munang pangalanan. I think huwag muna dahil baka may madamay na naman tayong hindi naman talaga gumagamit or nagtutulak, hindi ba kawawa din naman. Siguro pag-isipan pa nila or siguraduhin,” pasabot ni Daniel. (ABS-CBN News)