Permit pagputol sa 5 ka kahoy kinahanglan

LIMA ka mga dagkong kahoy sulod sa Mandaue City Central Special Education School ang kinahanglan putlon aron katukuran sa upatka-andanang edipisyo alang sa dugang lawaksaringan.

Apan ang kahoy dili bastabasta nga maputol ug nagkinahanglan nga mangayo una og permiso ang tagdumala sa tunghaan gikan sa hingtungdang ahensiya sa environment

Si Atty. Elaine Bathan, executive secretary ni Mayor Luigi Quisumbing, nipahimangno sa tagdumala sa tunghaan nga mahimo og environmentnga alternatibo subay sa pag-abag sa City Environment and Natural Resources Office (CENRO).

“We have coordinated with Mandaue City Environment and Natural Resources to further facilitate your request and they have come up with a plan for an environmentfriendly alternative,” matod ni Bathansa iyang suwat ngadto ni Maria Delia Minoza, pangulo sa tunghaan.

Base sa report gikan sa CENRO atol sa ilang inisyal nga report, si Bathan niingon nga ibalhin ang mga kahoy pinaagi sa proseso sa pag- earthball niini ug ibalhin kini sa laing dapit.

Ang earth-balling usa ka proseso sa pagbalhin gikan sa usa ka dapit ngadto sa laing sa usa ka kahoy o utanon nga nilapas na sa seedling stage.

“Noting the benefits that this alternative will bring to the school and believing in your concern for the environment, we urge you to follow this recommendation, which is, earth-balling, instead of outright cutting down of trees,” dugang ni Bathan.

Ang Department of Environment and Natural Resources (DENR) nipagawas og guidelines niadto pinaagi sa usa ka memorandum ni kanhi Environment secretary Jose Atienza Jr. niadtong Nobyembre 27, 2009 nga nagkanayon “Guidelines and Procedures on the Planting, Maintenance and Removal of Trees in Urban Areas and in Areas Affected by Government Infrastructure Projects.”

Sumala pa sa maong memorandum nga ang 15 sentimetros-paubos nga gitas-on sa kahoy mahimong i- earth-balling kon kini himsog aron magarantiya ang pagtubo niini kon ibalhin.

Gikinahanglan usab og permit aron maaprobahan ang pag-earthballing sa mga kahoy apan kinahanglan una ug apllication letter, hulagway sa mga kahoy, sketch map sa mga kahoy nga kuhaon, endorsement, Environmental Compliance Certificate (ECC) ug minutes sa konsultasyon sa publiko kalabot sa pagkuha sa kahoy.

Ang Environmental Compliancew Certicate (ECC) makuha gikan sa Department of Environment and Natural Resources ( DENR) 7 ug ang permisot alang sa earth-balling sa kahoy makuha sa buhatan sa CENRO.