Komitiba mosusi sa reklamo sa kalapasan sa zoning sa Mandaue

NIHIMO og komitiba si Mandaue City Mayor Luigi Quisumbing nga mohimo og aksyon sa mga reklamo ug kalapasan sa mga probisyon ubos sa Comprehensive Zoning Ordinance.

Gimando ni Quisumbing ubos sa Executive Order No. 4 ang pagmugna sa Local Zoning Board of Appeals (LZBA) sa tinguha sa pag-implementar sa city ordinance no. 13-2015-1037 kon Comprehensive Land Use Plan and Zoning Ordinance.

Ang ordinansa no. 14 niadtong 1979 nga naila isip Comprehensive Land Use Development Plan and Zoning Ordinance nahimo niadtong 1979 apan way labot niini ang ubang seksyon nga giamendar tungod kay 37 anyos na kini ug outdated.

Si Quisumbing niingon nga ang city ordinance no. 14-2016-1119 niadtong Septembre 29, 2016, niamendar sa 37 anyos nga CLUP ug zoning ordinance aron malakip sa kasamtangang land management ang Disaster Risk Reduction and Management (DRRM) ug climate change adoptation.

Ubos sa executive order, pangulohan ang board sa mayor ug ang chairperson sa city council committee on planing maoy vice-chairperson.

Mga miyembro mao ang city legal officer, city assessor, city engineer, city planning and development coordinator, city environment and natural resources officer, duha ka representante gikan sa pribadong sektor, duha ka representante sa NGO isip miyembro sa Local Zoning Board of Adjustment and Appeals (LZBAA). JPP