Tripulante sa bapor namatay

Patay ang usa ka tripulante sa bapor human kini maligsi sa forklift sulod sa Lite Ferry 29 nga nagdunggo sa Pier 2, pasado alas 5 sa hapon, adlawng Lunes.

Ang biktima nga maoy oiler, nagsukod sa oil sulod sa bapor sa wa pa mahitabo ang aksidente.

Patay na nga nadangat sa Cebu City Medical Center mao si Renato Remandaban Jr., 28, taga Andres Bonifacio, Mayorga, Leyte ug usa ka marine engineer.

Si Manuel Decasa, 48, taga Brgy Quiot, nagmaniho sa forklift wa makabantay nga diha ba diay sa sulod si Remandaban ug iyang gikahibulong nga kalit lang nitakilid ang forklift nga iyang gimaniho. /