Sometimes love is not enough

Nahibulong gyud ko sa pag-abot ni Maireen sa among balay. Ug ako ang iyang tuyo. Gipalingkod ko siya. Unya milingkod ko sa iyang atbang. Dunay mga lingkoranang uway sa among lawn.

“U-Unsa may imong tuyo nako, Mai?”

Miseryuso ko. Gikulbaan ko kay seryuso kaayo si Maireen nga nagtan-aw nako.

“Importante kaayo ang tuyo ko nimo, Aiza. Bahin ni natong tulo ni Gerald.” “B-Bahin natong tulo?” Misamot ang gibati kong kakulba. Nganong gihisgotan ni Maireen si Gerald? Nakahibawo na kaha siya nga girlfriend ko ni Gerald? “Nakahibawo ko bahin ninyo ni Gerald. Gerald told me everything. That’s why nga nia ko ron, Aiza.” “M-Mao ba, Mai?” Morag di ko makaginhawa niadtong tungora. Wa gyud nako tuyoa nga bation nako ang kauwaw. Morag nahilis ko sa tinan-awan ni Maireen nako. Dako ang akong pagtuo nga mianhi si Maireen nako kay iya kong awayon. Apan wa koy nakitang kasuko sa iyang nawong. Unya nanglugmaw ang iyang mga luha.

“I love Gerald very much. God knows kon unsa ko siya kamahal. Nakahibawo sab ko nga tinud-anay ang iyang pagmahal nako, Aiza. But kinahanglang isakripisyo ko ang akong gugma niya. Di ko gusto nga ako ang mahimong rason nga mamatay ang iyang Mother.”

“Unsay buot mong ipasabot, Mai?” Misamot kakusog ang pagbutuk-butok sa akong dughan. Naluoy ko kang Maireen nga nagpamahid sa iyang mga luha sa gikuptan niyang panyo.

“Ikaw ang nagustohan sa parents ni Gerald. Tandugunon kaayo ang sakit sa kasingkasing sa Mama ni Gerald. Seguradong maguol gyud siya pag-ayo kon di ikaw ang mahalon ni Gerald. Nakadesisyon ko nga adto na moeskuwela sa Ormoc next semester. Taga didto si Mama. Adto ko mag-abot sa ba’ay sa igsuon ni Mama.”

“Kinahanglanon ba gyud kana, Mai?”

Kahilakon ko. Gibati ko ang gibati ni Maireen kay babaye sab ko nga nagmahal og tinudanay kang Gerald.

“This is the only way nga makalimot si Gerald nako. Ug ang iyang panahon matingob na nimo, Aiza. Ning paagiha makat-on na siya sa pagmahal nimo.”

Wa na ko magtingog. Mihuot ang akong dughan. Ug dihang mibiya na si Maireen nako, nakahilak na gyud ko.