Duhiraw sa saag nga pag-ampo
OLIVER P. FLORES Sogod, Cebu
Hapdos-pait natagamtam ko Sa maluibong damgo. Gitapdas ko ang gibugang hangin Kay nabuta sa abog ang nagluhod Nga espirito atubangan sa napusgay Nga salamin. ambot ba sab ning kinabuhi Nga mialibwag man ang misteryo Sa nagdupa nga panalangin? Ang puti nga kupo sa altar nagtabisay Sa dugos sa nagdeliryong salmo. Praise the Lord! bisag ang kahimatngon Napuling sa nagngadto-nganhi nga pangamuyo -Nagsukod sa gilapdon ug gitas-on sa nagusbat Nga hulagway sa walay kapuslanang paglaom Sa usa ka dangaw nga pailob!