Baka adunay 5 tiil, gikan sa iyang kaluha

Baka adunay lima ka tiil.

Usa ka baka nga gipanag-iya ni Chen Mingguo, usa ka mag-uuma, adunay ikalimang tiil nga makita sa iyang likod.

Sa taho sa Mirror News nagtumbok nga ang baka gipanganak sa Qinlong County, habagatang bahin sa China ug gisagop kini ni Mingguo nunot kay way interesado nga mukuha niini basin mamatay lang.

Matud ni Mingguo nga iyang gikuha ang baka tungod kay talagsaon ra kini ug dugang pa niya nidako ang baka nga himsug.

Sigon sa mga eksperto, ang ikalima nga tiil sa baka gipanag-iya sa kaluha niini nga wa mabuwag samtang itlog pa.