EMB gihangyo pagsusi sa transfer station sa Inayawan

SuperBalita Cebu - - BALITA - PHILIP A. CEROJANO / Reporter

Giawhag ni Konsehal Joel Garganera ang Environmental Management Bureau (EMB7) sa pagsusi sa transfer station sa Pasajero Motor Corporation (Pamocor) sa barangay Inayawan.

Ang Pamocor maoy bagong contractor sa Cebu City Government nga mohakot sa gatusan ka toneladang basura matag adlaw human na-disqualified ang Jomara Konstruckt Corporation sa miaging bidding gumikan sa tax clearance.

Gusto ni Garganera nga masusi ang maong transfer station sanglit iyang gihulagway nga daw susama na sa usa ka landfill ang gidaghanon sa basura nga nagtipun-og ug wa pa mahakot.

Ang konsehal nipadala og suwat ngadto kang Regional Director William Cuñado sa EMB 7 kagahapon sanglit naalarma si Garganera kay ang baho naaabot na sa silingan nga mga lugar sama sa South Road Properties ug dakbayan sa Talisay nga silingan sa Inayawan.

“In the light of the current Solid Waste Management problems we are currently facing, we would like to request your kind office to conduct an ocular inspection in the transfer station situated in EVO barangay Inayawan,”tipik sa suwat ni Garganera.

Si Mayor Tomas Osmeña, sa iyang bahin, nibutyag nga nahibawo siya sa problema. /

Newspapers in Tagalog

Newspapers from Philippines

© PressReader. All rights reserved.