KAMOT MIUNGOT SA INUDURO

SuperBalita Cebu - - KURAT -

Lalaki nga mipugos og butang sa iyang kamot sa lungag sa pansayan aron kuhaon ang iyang natagak nga mobile phone gitabang sa kabomberohan kay di na makuha ang iyang kamot.

Ang lalaki migamit og inudoro nga siya mag-squat lang diin gamay kinig bangag samtang anaa siya sa hospital.

Sa iyang kadesperado aron makuha ang iyang natagak nga smart phone, gipugos niya og pasud ang iyang kamot sa gamay nga lungag aron kuhaon ang iyang natagak nga butang.

Napakyas niya og kuha ang iyang cellphone nga diha sa lungag apan di na usab makuha ang iyang kamot.

Sa taho sa Mirror News, ang lalake nanawag og tabang ug naalerto ang mga empleyado sa hospital nga diha sa reception desk dihang gipahibawo sila sa mga pasyente.

Niini, nagdali sa pagresponde ang kabomberohan sa nahitabo sa lalake nga naghigda na sa sawog sa pansayan sa hospital didto sa dakbayan sa Erzurum, amihanang kasadpang Turkey.

Migamit og “specialist equipment” ang kabomberohan aron padak-an ang bangag sa pansayan diin mosobra sa usa ka oras silang naghimo niini samtang gisampungan ang nawong sa lalake og “fireman’s coat” aron siya maproteksyunan.

Nagdugo ang kamot sa lalake dihang nakuha siya apan nakahimo pa siyag pagngisi aron pasalamatan ang mga ni-rescue kaniya. /

/ Mirror News

■ MiuNGOt: Gahuwat ang lalake kon kanus-a mahuman ang kabomberohan sa pag-ugkat sa iyang kamot nga miungot sa inudoro.

Newspapers in Tagalog

Newspapers from Philippines

© PressReader. All rights reserved.