TANOD PATAY, ANAK ANGOL

GIPUSIL ATUBANGAN SA TUNGHAAN

SuperBalita Cebu - - PORTADA - / JOB sa SunStar Cebu

Usa ka 45 anyos nga nga barangay tanod ang namatay samtang ang iyang 5 anyos nga babaye naangol dihang sila gipamusil sa wa mailhing mamumuno atubangan sa Labangon Elementary School kagahapon sa hapon.

Ang namatay diha-diha giila sa kapulisan nga mao si Jose Wesley “Opao” Celllona.

Siya ug ang iyang anak mao pay paghuman og pangaon sa usa ka kan-anan dihang gipamusil sila sa gunman.

Matod sa mga saksi nga mosakay na unta sa iyang motorsiklo si Jose dihang gipusil sa gunman.

Si Jose naigo sa ulo ug liog samtang ang iyang anak natapsingan sa tuong paa ug daling gidala sa tambalanan.

Sa pagsuwat ning taho, wa pa maestablisar sa kapulisan kon nag-inusara ba o duna bay kauban ang gunman.

Wa pa usab nila masayri kon nagsakay ba o kini o naglakaw.

Si PO2 Jerry Villahermosa sa Punta Princesa Police Station niingon nga suspendido pagkatanod si Jose.

Apan si Labangon Barangay Captain Zenaida Amore nisulti sa interbyu sa sibyaanang dyAB nga si Cellona gitaktak sa iyang pagka barangay tanod niadtong Marso human siya napositibo sa drug test. “He excels in his duties because he catches many person who were involved in drugs,” matod ni Amore.

Si Cellona mopailawom unta sa drug rehabilitation apan wa kini mahinayon.

Ang Homicide investigators mosusi pa sa motibo sa pagpatay.

/ Hulagway tampo ni Basco Abbu

■ GIPATAY. Naglunang sa dugo si Jose Wesley “Opao” Cellona, 45, human pusila sa wa mailhing gunman kagahapon sa hapon sa atubangan sa Labangon Elementary School sa Brgy. Labangon, dakbayan sa Sugbo. Ang iyang 5 anyos nga anak naigo sa tuong paa, gidala sa ospital. Estorya sa pahina 2.

Newspapers in Tagalog

Newspapers from Philippines

© PressReader. All rights reserved.