JUANITA BAG-ONG PAMBATOSA VIVA RECORDS

SuperBalita Cebu - - PORTADA -

Si Juanita Romualdez usa ka singer-songwriter nga maoy nagpaluyo sa bag-ong kantang “Inday” nga pop reggae ang feel. Ang 21-anyos nga Cebuana usa pud ka host ug spoken word artist. Ang spoken word usa ka performance art nga nahisama sa modernong balak. Si Chicay, ang iyang angga, gradwado sa AB Linguistics and Literature sa USC. Ang iyang labing unang single, "We'll Never Know," gi-released usab sa Viva Records. Juanita Romualdez, Ssssuper Ka! Giunsa ka pag-discover sa Viva?

Nagsugod ni siya katong giconvince ko sa akong cousin nga i-record akong mga kanta kay ganahan siya. Unya naka-meet sad mi og cinematographer from Waverly Pictures nga nitabang nako og himo sa akong first music video para sa akong unang single nga "We'll Never Know". Then, gipada namo ang music video sa Viva, diin na-meet nako si Ms. Chiqui Lastierre (ang iyang handler karon sa Viva) pag June 2015 sa Cebu Literary Festival. Then gi-introduced ko nila ni Boss Vic del Rosario.

Kanus-a nagsugod imong love sa music?

Bata pa ko hilig na jud ko og kantakanta. Unya tig suwat sad jud ko og poetry. Ang akong parents ug akong kuya mga musikero sila tanan, mao sad sigurong hilig kaayo ko og music.

Naa kay banda sa una?

Nag apilapil ko og banda sa akong kuya, Purple Kush. Maka-gig ra sad ko kon naa sila'y gig. Then kahunahuna ko nga kaya ra man diay nga motukar ko'g ako ra. Mas sayunan ko mukanta kon ukulele kay gamay ra man siya.

Nakasuway ka og mga singing contest?

Wala pero sa college ni-apil ko ug choir, Tabor Hill College Choir, under Maestro Dennis Sugarol. Nanglarga mi og Manila para sa Interkultur: Sing n' Joy International Choir Competition. Kami ang Grand Prize winner.

Unsa pay uban nimong mga composition?

Daghan pa kaayo ko'g mga kanta, lain-lain og genre. Kasagaran sakit man akong mga kanta. Haha.. pero akong buhaton, I make the song sound happy para dili sad kaayo maoy ba. Basta sobra ko ka happy or sobra ko ka guol makasuwat gyud ko og kanta. Basta naa ko sa extreme emotion.

Kinsay imong musical influences?

Regina Spektor, Alanis Morisette, Norah Jones, Colbie Calliat, Jason Mraz, and di jud ni nako ma-deny nga idol kaayo nako pag-High School si Avril Lavigne.

Gawas sa music, unsay lain nimong gibisehan?

I work for Cebu Literary Festival, usa na siya ka organization that creates a community for the literary arts. Kami ang tig-organize sa yearly literary Festival, ug mag-open mics every month. Thanks to our producer, Hendri Go, ni-grow gyud ang appreciation for literature. Especially spoken word poetry. Gidala man namo dinhi ang mga international spoken word artists; Sarah Kay & Phil Kaye. Kami pud ang nagdala ni Juan Miguel Severo and TJ Medel.

Imong boyfriend musikero sad?

Single ko karon pero akong ex musikero siya. Kabanda sa akong kuya sa una.

How do you unwind?

I paint, my father is an artist man so naliwat ko'g pintalpintal ug drawing-drawing. I also cook, ang pagluto mura man sad siya og art. And I play football (soccer) from time to time, maora siyag therapy para nako.

How do you describe yourself?

Buangon. Haha ummm well, chill ra man jud ko nga tawo. Wa man koy libog. I love learning new things and meeting new people. Hilig ko og outdoors or nature. Di man ko city girl gud. Sa Toledo malakaw ra nako ang dagat, then katong namalhin mi sa Mactan naa ra ko sa dagat pirmi. Ug karun sa Consolacion, bukid girl na sad ko.

Are you willing to leave Cebu for a career in Manila?

I've thought about going to Manila, ako pa gi-prepare akong self sa transition, kay Manila is a concrete jungle baya. But I am willing to test Manila out, for a change of pace.

What do you expect now that you’re with Viva?

That more people will be able to hear my music. Which is my main intention-- to share my music and for more people to enjoy it.

Upcoming shows?

Karung June 23 and 24 sa Fête de la Musique sa Sugbo Mercado, 7:30 p.m. Makit-an sad ko ninyo sa SM Seaside para sa among Cebu LitFest Open Mic. Then, July 8 and 9 sa Ayala Activity Center for the annual Cebu Literary Festival.

Juanita Romualdez

Newspapers in Tagalog

Newspapers from Philippines

© PressReader. All rights reserved.