BM BONIEL NEGATIBO SA POWDER BURNS

SuperBalita Cebu - - PORTADA - ARNOLD Y. BUSTAMANTE / Correspondent / dugang taho ni FVQ

Negatibo sa powder residue ang mga kamot ni Board Member Niño Rey Boniel, suspek sa pagpatay sa iyang asawa nga si Bien Unido Mayor Gisela Boniel, base sa paraffin test niadtong miaging semana.

Apan gipasabot ni Chief Supt. Noli Taliño, director sa kapulisan sa Central Visayas, nga daghan ang rason nganong negatibo sa polbura ang duha ka mga kamot sa opisyal.

Kini mao ang kadugay sa gintang sa oras nga wa kini ma

paraffin test, diin gituohang nakahugas na kini sa iyang kamot ug ang posibling huyop sa hangin nga wa mapabor sa iyang mga kamot.

Apan wa mabalaka niini si Taliño sanglit duna silay daghang mga ebedensya nga gihuptan nga nagtumbok sa board member nga maoy responsabli sa pagpatay sa iyang asawa.

“Several hours na kasi ang dumaan eh. Maraming pwedeng mangyari doon,” pasabot ni Taliño.

Samtang gipasusi na usab sa Regional Intelligence Division ang habol nga nakuha sa mga diver sa Lapu-lapu City Police Office nga maoy nangita sa lawas ni Mayor Gisela sa kadagatan sa Caubian Island.

Ang maong habol gituohan nga gipanag-iya sa Dive Camp sa Bien Unido nga maoy giputos sa lawas sa mayor sa dihang gidayongan paingon sa pumpboat nga gisakyan niini padung sa Caubian Island. Nikooperar na usab ang

driver sa motorsiklo nga gisakyan ni Niño Rey sa gihimong imbestigasyon sa kapulisan.

Matod ni Taliño gisaysay tanan ni Edgar Tapere sa dihang iyang gisugat si Niño Rey sa Punta Engaño niadtong Hunyo 7 sa kaadlawon.

Matod niini nga Wa siya masayod nga dunay nahitabong krimen sa kadagatan nga hinimoan sa iyang amo apan natingala siya nganong sa Punta Engaño magpakuha si Niño Rey sanglit sa Pier 3 kini kanunay magpasugat kon gikan sa Bohol.

Human niya mahatod sa panimay sa board member sa Monterrazas, gisugo matod pa, siya sa paglabay sa gituohan nga mga gamit ni Mayor Gisela nga mao ang gisubay sa kapulisan.

Lakip sa gisugo sa board member mao ang pagpadala og kwarta pinaagi sa Palawan Express balor ug P60,000 ngadto kang Randel Lupas, driver, nga nihatod kang Angela Leyson sa pantalan sa Tubigon.

Giingon usab ni Lupas nga iyang nadawat ang maong kwarta ug gihatag sa duha ka staff ni Mayor Gisela.

Sa gihimong pakisusi nasuta nga ang kwarta alang kadto nilang Wilson Hoylar ug Brian Sayson diin matod pa gibahin nila sa tag P30,000.

Una nang mihimakak silang Hoylar ug Sayson sa dihang gipresentar sila ni manlalaban Inocencio dela Cerna nga sila dunay labot sa kamatayon ni Mayor Gisela.

Kagahapon, negatibo gihapon ang search and retrieval sa kadagatan sa Olango channel.

Sheriza Mae Uy / tampo nga hulagway ni

■ HABOL. Kini nga habol nga napalgan sa dagat sa dapit diin gihug ang lawas ni Mayor Gisela Boniel ipahiling sa kapulisan aron matino kon mao ba kini ang gigamit pagputos kaniya dihang giyayungan.

Newspapers in Tagalog

Newspapers from Philippines

© PressReader. All rights reserved.