Mga komitiba sa konseho gibakante

SuperBalita Cebu - - BALITA - / PAC

Gibakante sa Cebu City Council ang tanang mga posisyon ug chairmanship lakip na ang membership sa tanang 20 ka mga komitiba.

Si Konsehal James Cuenco maoy unang niluwat sa iyang katungdanan isip majority floor leader ug sa samang higayon giluwatan usab nilang konsehal Pastor Alcover Jr., Joey Daluz III, Raymond Garcia, Joel Garganera, Joy Pesquera, Eduardo Rama ug Phillip Zafra ang ilang mga gihuptan nga komitiba, vice chairmanship ug membership.

Sila pulos mga sakop sa Team Rama ni kanhi mayor Michael Rama.

Si Konsehal Sisinio Andales niduso usab sa iyang motion pagpili kang Konsehal Margot Osmeña, asawa ni Mayor Tomas Osmeña, nga maoy bagong majority floor leader hulip kang Cuenco.

Apan wala pa sila magpili og bag-ong mga committee chairman ug posible nga adto na kini ipahigayon atol sa reorganization karong Hulyo.

Sa speech ni Cuenco, iyang giklaro nga ang pagbakante sa tanang posisyon ug chairmanship mao ang paghatag og agianan sa bag-ong majority sa Konseho nga karon gidomenaran sa mga sakop sa Bando Osmeña Pundok Kauswagan sa mayor.

/ Arni Aclao

PULI-PULI. Si Konsehal Margarita Osmeña (wala) mao na ang majority floor leader human gibakantehan ang mga komitiba sa Cebu City Council kagahapon. Nakigsulti siya kang Konsehal Mary Ann de los Santos.

Newspapers in Tagalog

Newspapers from Philippines

© PressReader. All rights reserved.