Waste-to-energy nga planta luwas: EMB

SuperBalita Cebu - - BALITA - / HBL

Way nakitang problema ang Environmental Management Bureau (EMB) 7 nga sundon sa ubang local government

unit (LGU) ang waste-to-energy plant sa dakbayan sa Naga. Ang pasilidad, mao ang labing

una sa nasod diin giproseso ang basura ug gigamit ang gas niini isip fuel nga maoy gisuplay sa kuryente.

Anaa mahimutang sa Barangay Pangdan ang dry anaerobic digesting (DAD) biogas plant sa FDR Integrated Resource Recovery Management Inc. (FDR-IRRMI). “Iyang gas gigamit as fuel to run the engine and convert into power pinaagi sa garbage,” matod ni EMB 7 regional director William Cuñado.

Gihulagway ni Cuñado nga “usa sa labing maayo” ang maong biogas plant sa solusyon sa problema sa basura nga giatubang karon sa nagkadaiyang LGU.

Dugang sa direktor nga way aso nga mogawas sa planta nga makaapekto sa kalikupan ilabi na sa hangin.

Tungod kay gisugnod ang basura sa labing taas nga temperatura hinungdan nga way aso nga makita nga mogawas sa planta.

Sa pagkakaron, basura sa dakbayan sa Naga, Carcar ug lungsod sa Minglanilla ang gipangdawat sa pasilidad.

Newspapers in Tagalog

Newspapers from Philippines

© PressReader. All rights reserved.