Morag robot ang mga Maute

SuperBalita Cebu - - SUPER BIRADA - Atty. Salva Diputado

Usa ka kanhi mayor sa usa ka lungsod sa Bohol dunay pangutana. Naunsa na man tong kaso nga may kalabotan si kanhi kongresman ug karon Gobernador Edgar Chatto diin ilang gipagawas nga “livelihood training kit” kunohay nga gipanghatag apan milutaw nga binuang diay? Nganong binuang man? Tungod kay ang mga tawo nga nalista nga nakadawat sa maong “livelihood training kit” migawas nga patay na diay, dili taga-diha sa maong lugar o deretso nga mibalibad nga wala gyod sila makadawat.

Interesado ang mayor nga mahibalo sanglit siya ang kinaunhan nga mayor nga mi-isyo og certification nga “fictitious, non-existent or non-resident” ang mga tawo nga nalista isip “beneficiaries” sa maong livelihood training kit. Dugay na kini nahitabo. Panahon pa kini nga congressman pa si Chatto sa 1st District sa Bohol.

Sanglit kataposan na man niya nga termino karon isip gobernador sa Bohol, nagpasabot nga sobra sa 10 ka tuig na ang maong hitabo apan wala pa gihapoy resulta ang imbestigasyon sa maong kaso.

Matod pa sa maong mayor, dako-dako ang kwarta nga gigahin sa maong livelihood project gamit ang pork barrel ni Chatto.

Angayan lang nga tinud-on ang pag-imbestigar sa maong kaso, matod pa niya sa dihang nagkita mi atol sa kasaulogan sa Fathers Day.

Midugang pa siya nga ang maong kaso susama sa mga pork barrel nga mga kaso ni (Ang kinatibuk-ang lindog ni Atty. Diputado mabasa sa www.sunstar.com.ph/superbalitacebu/ Janet Lim Napoles.

Kon gitininuod sa gobierno si Napoles, walay rason nga dili tinud-on si Godofredo Roque, dugang pa niya.

Gi-withdraw sa mga abogado ni BM Nino Boniel ang ilang gifile nga petisyon nga Habeas Corpus didto sa RTC Talibon.

Ila kining gihimo sanglit wa nay hinungdan pa ang maong petisyon sanglit duna na may duha ka kaso nga gisang-at batok ni BM Boniel ug duna nay legal nga rason nga presohon si BM Boniel.

Ang gi-isyu sa korte nga order nga pabuhian si BM Boniel wala mapahimusli sanglit wala man motuman ang kapolisan sa rehiyon og nagpabilin sa prisohan si BM Boniel.

Saon man ang order kon dili tumanon? Nagakadugay ang pagpangita sa patay nga lawas ni Mayor Gisela Boniel, nagakahanap usab ang posibilidad nga makit-an pa kini.

Onse na ka adlaw ang milabay sukad gibalita nga gitambog ang iyang patayng lawas apan hangtod karon, wala pa gyod kini makit-i.

Daghan ang mga butang nga pwedeng mahitabo.

Mahimo nga gianod kini sa layo nga dapit.

Mahimo nga gikaon na kini sa mga isda sa dagat, apil na ang iho.

Mahimo sab nga dili tinuod nga gihulog kini sa dagat.

Giingon nga ang driver ni BM Boniel misurender kagahapon sa mga kapolisan. Unsay buot ipasabot niini? Mosulti ba kini siya sa kalambigitan ni BM Boniel?

Mosulti ba kini nga walay kalabotan si BM Boniel?

Newspapers in Tagalog

Newspapers from Philippines

© PressReader. All rights reserved.