Your love inspires me

SuperBalita Cebu - - SUPER BIBO - OLIVER P. FLORES (Ikaupat sa pito ka mga gula)

Kadlawon na ming nanggawas si Roman sa night club nga akong gitrabahoan. Sa ingon aning orasa ko mo- out sa club. Sa among panag-uban ron ni Roman, sa among pagpangaon sa usa ka restawran sa uptown, gibati ko ang lahing kalipay. First time pa kini nakong gibati. Aw, unsaon man gud, first

time pa ning nakigkuyog kog usa ka lalaki sa gawas ug nakigsawo sa pagpangaon. Gibati ko nga komportable ko uban kang Roman. Apan nagpugong lang gyud ko sa akong kaugalingon. Kon gugma kining gibati ko kang Roman, wa pa ko makaseguro. Di sab angay nga magdali-dali ko.

Layo kaayo ang gintang sa among kinabuhi ni Roman. Anak kog pobre ug nagpuyo sa eskuwater sa siyudad. Samtang si Roman, anak og dato unya nagpuyo sa usa ka dakong subdivision sa siyudad. Di ko usahay kalikayan nga maghunahuna ko kon tinud-anay ba gyud ang love ni Roman nako. Di ko makapugong sa pagduda nga basig ang akong lawas lang ang giapas niya.

Kadaghang babaye, ah, nga mas guwapa ug seksi pa nako, nga parehas sab niya nga anak og dato? Ug nganong ako pa man gyud ang iyang gipili?

“O, naghinuktok ka man gud, Me? Nagbasol ka ba nga mikuyog ka nako ron?”

Seryuso si Roman nga mitan-aw nako. Miinom siya sa iyang hot tea. Di juice ang among giinom kay buntag sayo pa man kaayo.

“Wa, uy, Roman. Medyo katulgon lang ko.”

Gipahiyoman ko si Roman. Tinuod man sab nga nagduka ko. Nagpanghuy-ab man gani ko.

“Sagdi lang. Pagkahuman natog kaon ron, ihatod na tika sa inyo. Ang tuyo ko man lang nimo nga ikauban tika sa pagpamahaw ron.”

Nagpahiyom na si Roman. Misamot siya kaguwapo kay morag napikot ang iyang mga mata. Insekon man gud siyag mga mata. Usa kini nga

attractive siya para nako. Aw, ambot lang kaha sa ubang

girls? Basta para nako, gusto kog lalaki nga insekon og mga mata.

“Ayaw lang ko ihatod, uy, Roman.”

Bisag gitug-an ko na kang Roman kon unsa ako, kon unsa kami kapobre si Mama, ug nagpuyo mig eskuwater, apan di ko gusto nga estoryahan siya sa mga himantayon sa among lugar. (SUMPAYAN)

Newspapers in Tagalog

Newspapers from Philippines

© PressReader. All rights reserved.