PWDs gi-tour sa DOT sa Negros

SuperBalita Cebu - - SUPER BOARD -

Dakong kalipay ang nabati sa PWDs kun Persons With Disabilities gikan sa Municipalities of Siaton, Amlan, ug Sibulan, Negros Oriental sa libreng kahigayonan nga gihatag kanila sa Department of Tourism (DOT) nga makalaag o mag- tour sa

pipila sa maanindot nga talan-awon sa Negros.

Nagpahigayon ang DOT sa programang "Persons With Disabilities’ (PWDs) Tour" o libreng pagsuroy ug gamayng salosalo alang sa PWDs nga pinangulohan sa Senior Tourism Operations Officer, Cynthia Ompoc Monzon ug inabagan ni Mary Cris Gulfan, Administrative Assistant.

Nalingaw ang dul-an usa kagatos nga PWDs sa pagtansa nagkalainglaing hayop sa Amlan Dreamland Nature and Adventure Park, Amlan Negros Oriental isip maoy destinasyon. Halos tanang sumasalmot miingon nga unang higayon nila ang pagsuroy sa dapit ug kini gumikan sa maong programa.

Mopahigayon na usab ang DOT sa samang programa sa July 22, 2017 sa probinsiya sa Bohol.

Newspapers in Tagalog

Newspapers from Philippines

© PressReader. All rights reserved.