Bata moduwa'g balik sa SEA Games

SuperBalita Cebu - - SUPER SPORTS -

Makigdinumbolay na sab si Efren “Bata” Reyes alang sa Pilipinas sa 2017 Southeast Asian Games apan ning higayuna, dili na niya ikauban ang iyang kumpareng si Francisco “Django” Bustamante. Ang gitawag sab og The Magician nahilakip sa 11-member

billiards and snooker team sa Pilipinas diin siya ang representante sa English billiards.

Apan si Bustamante wala makakuha og luna sa RP team human kini natagak sa 9-ball

pool eliminations nga gipahigayon aron pagpili og mga representante sa nasod. “Natalo siya sa elimination. Pang-anim nga siya,” pasabot ni Billiard Sports Confederation of the Philippines president Robert Mananquil kabahin kang Bustamante. “Pati si Efren, sumali sa 9-ball, natalo nga lang.”

Hinuon apil gihapon si Bustamante sa delegasyon isip team leader ug representate

ni billiards patron Aristeo “Puyat. Si Reyes nakadaog og bronze

medal sa carom one-cushion sa miaging tulo ka mga edisyon sa matag duha ka mga tuig nga kompetisyon.

Ning higayuna, ikauban ni Reyes si Francisco Dela Cruz alang sa English billiards singles ug doubles. Sila si Johann Chua ug Carlo Biado an moduwa sa men’s 9-ball singles samtang sila si Dennis Orcollo ug Warren Kiamco ang mokombati sa men’s 9-ball doubles. Sa women’s division, si Chezka Centeno modepensa sa iyang women’s 9-ball singles gold diin iyang kauban niya si Rubilen Amit. Mag-uban sab sila si Centeno ug Amit sa women’s 9-ball doubles. Ang moduwa sa snooker singles mao sila si Jefrey Roda ug Basil Al-Shajjar samgang sila si Roda ug Alvin Barbero ang mag-uban alang sa snooker doubles.

Efren Reyes

Newspapers in Tagalog

Newspapers from Philippines

© PressReader. All rights reserved.