Paras wala nakaabante sa hinansakay sa FIBA 3x3

SuperBalita Cebu - - SUPER SPORTS -

Nagpakita na sab si Kobe Paras sa iyang kataas og layat apan dili kini paigo aron makaabante siya sa sunod round sa Slam Dunk Contest sa 2017 FIBA 3x3 World Cup kagahapon sa Nantes, France.

Ang 19 anyos nga Pinoy, kinsa maoy labing batan-on sa kompetisyon, nakighinsakay batok sa lima ka professional

dunder sa qualifying stages diin adunay duha ka mga higayon ang matag partisipante sa paghansak.

Sa una niyang pagsuway, si Paras nimugna og windmill

dunk gikan sa pasa sa iyang kauban sa RP team nga si Kiefer Ravena.

Gisundan kini og Paras og “Elbow Dunk” nga gipasikat ni Vince Carter niadtong 2000 National Basketball Association (NBA) Dunk Contest. Ang nakalahi sa gibuhat ni Paras kay giluparan niya ang nagbarog nga si Ravena una niya gimugna ang makapaukyab nga Elbow Dunk.

Ning maong mga hansak, si Paras nakakuha og kinatibuk-ang 50 puntos apan wala siya nasulod sa Top 4.

Ang mga nakaabante sa sunod round mao sila si Chris Staples ug Jordan Southerland sa USA, Rafal ‘Lipek’ Lipinski sa Poland, ug Vadim ‘Miller’ Poddubchenko sa Ukrainer.

Gawas nila ni Paras ug Ravena, ang ubang mga sakop sa RP Team mao sila si Jeron Teng ug JR Quiñahan.

Ang RP Team kasamtangang naghupot og 1-1 nga rekord sa torneyo.

Newspapers in Tagalog

Newspapers from Philippines

© PressReader. All rights reserved.