Dako mi og agi batok drugs: Ruiz
Halos perpekto ang gigrado ni Philippine Drug Enforcement Agency (PDEA) 7 Director Yogi Filemon Ruiz kang Presidente Rodrigo Duterte sa iyang usa ka tuig nga kampanya batok sa
illegal nga drugas.
Gisalikway ni Ruiz ang mga pagsaway sa pipila ka mga kritiko nga pulos lang gagmay nga drug player ang ilang nangadakpan, di big time nga drug
lords nga nagpabilin sa pagnegosyo sa illegal nga drugas.
Matod niya nga sa ilang subsub nga kampanya sa 19 ka tagas nga mga level sa drug player, pito na lang ang ilang gigukod ug gitinguha nga madakpan sa mosunod nga mga adlaw.
Kon balikan ang nangasakmit nga illegal nga drugas, matod sa PDEA 7, nga mosobra na sa P100 million ang ilang nakuha. Daghan nang high value target ang ilang nabilanggo ug napasakaan og kaso.
“In a scale sa 1 to 10? 9 ang iyang performance sa war on
drugs, malampuson ang gobiyerno karon,” matod ni Ruiz. Daghan na nga mga karaang
drug player ang nanibat sa Central Visayas, lakip na ang mga
drug user nag anam na usab ug kagamay apan di kalikayan nga duna pa gihapoy ginagmay nga mamaligya.